Главная » BY, Актуально, Брестская, Политика

Саюз палякаў Анжалікі Борыс вырашылі запалохаць?

20 февраля 2009 Комментариев нет

Дзеяньні ўладаў, аднак, хутчэй сьведчаць пра тое, што яны не дапусьцяць да легалізацыі няскораных актывістаў польскага руху.

Адну з актывістак – Селівончык Тэрэсу з Баранавічаў папярэдзілі ў пракуратуры аб крымінальнай адказнасьці паводле артыкула 193, прым І – за дзейнасьць ад імя незарэгістраванай арганізацыі. Як вядома, мае рэгістрацыю толькі праўладны Саюз палякаў, якім кіруе пэнсіянэр Юзаф Лучнік.

Чаму пачалі менавіта са спадарыні Селівончык? Справа ясная: кіраўніцтва СПБ вырашыла правесьці сёмы зьезд арганізацыі менавіта ў Баранавічах, дзе суполкай Саюзу кіруе Т.Селівончык. Зьезд мае адбыцца ў сярэдзіне сакавіка, упаўнаважанаму па справах рэлігій і нацыянальнасьцяў РБ дасланы ліст, у якім выказана жаданьне, каб СПБ зарэгістравалі. Замест адказу – папярэджаньне магчымай арганізатарцы зьезду, паколькі пад уплывам прыхільнікаў Борыс у Баранавічах застаўся Дом польскі, дзе якраз рэальна можна правесьці масавае мерапрыемства.

Варта нагадаць, што папярэдні зьезд СПБ, яшчэ да расколу арганізацыі, прайшоў ў Горадні ў сакавіку 2005 году ў актавай зале школы N36 з польскай мовай навучаньня. Аднак потым Міністэрства юстыцыі РБ скасавала яго вынікі, бо вэртыкальнікі былі вельмі незадаволеныя тым, што дэлегаты абралі старшынёй СПБ Анжаліку Борыс. Цяпер яе паплечнікі ў гэтай школе – асобы непажаданыя.

Польскія ўлады ставілі раней адной з умоваў нармалізацыі адносінаў зь Беларусьсю – станоўчае вырашэньне канфлікту вакол СПБ. Прасьцей кажучы, Менску проста трэба зарэгістраваць А.Борыс і яе прыхільнікаў. Але падобна, што там вырашылі трымацца да канца і не даваць рэгістрацыі.

Мне ўдалося неафіцыйна даведацца, што прыхільнікі Борыс прадбачаць найгоршае, таму вызначаны таксама іншыя месцы, дзе зьезд можа адбыцца, апроч Баранавічаў.

Рассказать друзьям

Опубликовать в Google Plus
Опубликовать в Одноклассники
Опубликовать в LiveJournal
Опубликовать в Мой Мир
Опубликовать в Яндекс

Извините, комментирование закрыто.

Реклама от RedTram