Горацкія актывісты дапамаглі выпусьціць “Астравецкі весьнік”. Штуршком да гэтага стала асноўная цяперашняя праблема рэгіёну – пляны ўладаў пабудаваць там атамную электрастанцыю.

Тое і паяднала актывістаў: у Горках маюць досьвед ня толькі ў выпуску газэт, але таксама ў вядзеньні кампаніі супраць АЭС, якую пачаткова плянавалася збудаваць на ўсходзе краіны.

Рэдактар тыднёвіка “Горацкі выбар” Эдуард Брокараў зазначыў:

– Мы лічым, што праведзеныя ў Горках з канца 2006 году акцыі паўплывалі на рашэньне ўладаў, і ўрэшце кукшынаўскую пляцоўку памянялі на астравецкую. Хаця, канечне, радавацца тут асабліва няма чаму, але факт, што грамадзкасьць тут узьнялася, зьбіраліся подпісы, выходзіла мноства друкаваных інфармацыйных матэрыялаў. А вось на Астравеччыне такой актыўнасьці не было.

Цікава, што горацкія актывісты працягваюць збор подпісаў супраць будаўніцтва АЭС – маюць іх ужо больш за чатыры тысячы. Чаму такая праца не спыняецца? Спадар Брокараў патлумачыў: па-ранейшаму захоўваецца небясьпека, бо кіраўнік краіны яшчэ не падпісаў канчатковага рашэньня наконт астравецкай пляцоўкі, і ня выключана, што ўлады могуць вярнуцца назад да ўсходнебеларускай пляцоўкі.

– Таму мы стараемся не расслабляцца і працягваем інфармаваць людзей. Бо небясьпека застаецца. Так, у мінулыя выходныя былі ў Чавусах. Тут, зусім побач з намі, ня маюць альтэрнатыўнай інфармацыі, таму многія кажуць: добра, каб у нас пабудавалі АЭС, тады з працай будзе ў парадку, – патлумачыў Э.Брокараў.

Пакуль урад цалкам не адменіць сваё рашэньне, у Горках маюць намер інфармаваць людзей наконт АЭС. Спадар Брокараў, напрыклад, трэці раз выпускае ўласную брашуру “Міталёгія мірнага атаму”, дзе з дапамогай навукоўцаў вызначыў дванаццаць асноўных “аргумэнтаў” аб патрэбе і карысьці атамных станцый, што можна сустрэць у афіцыйнай прэсе. Гэтыя зьвесткі ён абвяргае даступнай нават для недасьведчанага чытача мовай.

Другие статьи

• Граждане требуют строительства очистных сооружений на озере Алойсберг
• Малориту сотрясают скандалы
• Островец в предверии “Большого Шухера” – ожидает атомную стройку
• Траіх “зялёных” зрабілі “дробнымі хуліганамі”
• Сброс крахмальных отходов нанёс экологический вред реке Друть
• Первомайский митинг рабочих “Гранита” в Микашевичах не состоялся
• Дзень памяці катастрофы на ЧАЭС
• Первого мая в Микашевичах рабочие “Гранита” выйдут на митинг протеста
• Захаванне беларускай папуляцыі лутка залежыць ад інфармаванасці насельніцтва
• Минский облисполком рассмотрел коллективное обращение 300 жителей Слуцка