Выкладчыкаў вымушаюць падтрымліваць Козіка
Кіраўніцтва Брэсцкага універсітэта не ўхваляе ўступленне сваіх супрацоўнікаў у незалежны прафсаюз.
Як паведаміў старшыня суполкі Свабоднага прафсаюза Беларускага ў Брэсцкім дзяржаўным універсітэце Валянцін Лазарэнкаў, чальцаў прафсаюза адклікаюць з адпачынка і праводзяць з імі гутаркі на прадмет выхаду з прафсаюза. Займаецца гэтым прарэктар Ганна Сендзер.
Прафсаюзнік выказаў наступнае меркаванне:
– Напэўна, ёсць нейкі загад разабрацца з прафсаюзам: ці то з міністэрства, ці то рэктара. Я перачытаў афіцыйную прэсу, газету афіцыйнай Федэрацыі Прафсаюзаў “Беларускі час”. Там старшыня Леанід Козік агучыў прапанову: “узбуйніць” прафсаюзы, каб большыя паглынулі меншыя, і гэтак далей…
Летась шантаж адміністрацыі універсітэта меў вынікам тое, што арганізацыя паменшылася на два дзясяткі чальцаў.