Главная » BY, Могилев, Происшествия

П’яная сварка ў Магілёве скончылася забойствам

21 сентября 2009 Комментариев нет

Дваццацітрохгадовая жанчына забіла сваю сяброўку, з якой напярэдадні піла гарэлку.

У пятніцу 11 верасня гаспадыня кватэры, яе сужыцель і ейная сяброўка, што жыла ў тым жа пад’ездзе, распівалі спіртныя напоі. А ў суботу 12 верасня каля сямі гадзін раніцы сяброўка зноўку завітала, каб працягнуць, ды, напэўна, паправіць свае здароўе. Але тыя прыняць яе не згадзіліся.

– Калі гаспадыня папрасіла сысці, яна не згадзілася, пачалася бойка, у выніку якой яны перамясціліся на лесвічную пляцоўку. У гаспадыні быў нож, які яна ўзяла з сабой, і яна нанесла ім удар. Усяго было нанесена каля чатырох удараў, – расказвае супрацоўнік Кастрычніцкага РАУС.

Забойца сама выклікала хуткую дапамогу, але, па сведках суседзяў, урачы прыехалі праз паўгадзіны, і было ўжо позна. Забітай канстатавалі смерць ад вялікай крывастраты.

Адразу прыехала міліцыя і пракуратура, дзяўчына дала паказанні. На момант забойства яна знаходзілася ў нецвярозым стане. Забойства растлумачыла тым, што хацела напалохаць суседку, каб тая хутчэй сышла з кватэры.

У адносінах да затрыманай узбуджана крымінальная справа па артыкуле 139 ч.1 Крымінальнага кодэкса РБ “Забойства”. Максімальны тэрмін – 15 год пазбаўлення волі. У затрыманай ёсць дзіця: шасцігадовы сын.

Рассказать друзьям

Опубликовать в Google Plus
Опубликовать в Одноклассники
Опубликовать в LiveJournal
Опубликовать в Мой Мир
Опубликовать в Яндекс

Извините, комментирование закрыто.

Реклама от RedTram