Главная » BY, Гомельская, Общество, Темы

Светлагорск: перапоўненая бальніца і дэфіцыт у аптэках

23 ноября 2009 Комментариев нет

Каля 180 шпіталізаваных і двое памерлых – такія сумныя лічбы дэманструе Светлагорскі раён у сувязі з эпідэміяй грыпу і пнеўманіяй.

У цэнтральнай раённай бальніцы шэраг аддзяленняў часткова перапрафіляваныя пад пульманалагічныя. Урачы і медперсанал робяць усё магчымае, аднак у бальніцы ўсяго тры апараты, якія прымяняюць для цяжка хворых на пнеўманію.

Улады не паведамляюць статыстыку па эпідэміі. Насельніцтва, не усведамляючы сапраўдную ступень небяспекі, не робіць належных прафілактычных захадаў. У раённай палікліцыцы вялізныя чэргі ў тэрапеўтычных аддзяленнях, шмат хто сядзіць з насмаркам і кашлем. Але нават тут амаль усе наведвальнікі – без засцерагальных павязак. Няма іх і ў работнікаў крам, банкаў і іншых, хто пастаянна кантактуе з наведвальнікамі і папяровымі грашыма.

– Дык паміж вамі і мною шкло, – гаворыць касір ў абменным пункце на рынку.

Відавочна, работнікі банкаў і крам не папярэджаны, што вірус грыпу перадаецца і праз грошы.

А што ў аптэках? Эпідэмія доўжыцца ўжо некалькі тыдняў, але яны па-ранейшаму не забяспечаны ўсімі неабходнымі прэпаратамі. Ні ў воднай з аптэк не атрымалася знайсці элементарнай аксалінавай мазі. Зусім няма інтэрферону. Супрацьвірусны прэпарат арпетол, які лекары лічаць больш дзейсным за рэмантадзін, маецца толькі для дзяцей, і тое не ва ўсіх аптэках.

– Арпетол паступае ўсяго па пяць-сем пачак і адразу ж раскупаецца, – кажа супрацоўніца цэнтральнай раённай аптэкі.

На пытанне аб тым, ці можна яго купіць дзе-небудзь яшчэ, яна дае зразумець, што гэта малаверагодна. Фармацэўты не скрываюць, што патрэбныя лекі больш рэальна знайсці ў камерцыйных аптэках.

Рассказать друзьям

Опубликовать в Google Plus
Опубликовать в Одноклассники
Опубликовать в LiveJournal
Опубликовать в Мой Мир
Опубликовать в Яндекс

Извините, комментирование закрыто.

Реклама от RedTram