На працягу чатырнаццаці пасяджэнняў суддзя Віцебскага абласнога суда Галіна Урбановіч разглядала крымінальную справу сябра БХК Леаніда Свеціка, якога вінавацяць у распальванні міжнацыянальнай і рэлігійнай варожасці.

Тры віцебскія апазіцыянеры, якія праходзяць па гэтай справе ў якасці пацярпелых, катэгарычна не вераць у вінаватасць падсуднага, пра што неаднаразова заяўлялі падчас працэсу.

Леаніда Свеціка вінавацяць у тым, што ён нібыта пісаў і дасылаў жыхарам Віцебска лісты ад імя радыкальнай прафашыстоўскай арганізацыі “Русское Национальное Единство”.

Віцебскія ўлады адмовіліся ад ідэі забараніць продаж алкаголю ў адзін з фестывальных дзён. Алкагольныя напоі проста вырашылі прадаваць з некаторымі абмежаваннямі.

У віцебскім “Еўрапейскім клубе”, заснаваным паводле ініцыятывы тутэйшых прыхільнікаў А.Мілінкевіча, прайшла творчыя сустрэча з палітыкам, пісьменнікам і журналістам Паўлам Севярынцам.

Ахоўваць правапарадак на фестывалі, які распачнецца 10-га ліпеня, віцебскім супрацоўнікам міліцыі будуць дапамагаць іх калегі з райцэнтраў вобласці, а таксама адмыслоўцы-кінолагі са сваімі гадаванцамі.

Начальнік управы аховы правапарадку МУС аблвыканкаму Ігар Скарыновіч паведаміў журналістам, што прысутнасць міліцыянтаў на вуліцах горада не мусіць нерваваць гасцей і жыхароў Віцебска. Менавіта таму значная колькасць супрацоўнікаў МУС будзе патруляваць горад у цывільным адзенні. Іншыя будуць апранутыя ў парадную форму, у тым ліку і тыя супрацоўнікі, што будуць дзяжурыць на кардонах з металашукальнікамі.
photo.bymedia.net

Дзесяць віцебскіх прадпрымальнікаў дагэтуль не могуць прыйсці ў сябе пасля зносу іх маёмасці.

– На гэтым месцы шапікі стаялі з 1992 года, – распавядае Андрэй Адамцоў, уладальнік вядомай у Віцебску “жалезкі” – шапіка, дзе прадаваліся музычныя часопісы, дыскі і касеты. – 8 лютага гарвыканкам прыняў рашэнне, што ўсе шапікі альбо знясуць, альбо іх неабходна рэканструяваць у крамкі з гандлёвай залай. Мы ўсе сабраліся і пагадзіліся будавацца. Атрымацца мусіў цэлы комплекс. 1 мая будаўніцтва пачалося, а 11 чэрвеня на гэтае месца прыгналі трактары і экскаватары, якія пачалі руйнаванне аб’екта.

3-га ліпеня ў Віцебску будуць арганізаваныя беспрэцэдэнтныя меры бяспекі: на ўрачыстае шэсце ўдзельнікаў будуць прапускаць праз металадэтэктары.

У Віцебску прайшоў міжнародны семінар з удзелам украінскіх і беларускіх прадстаўнікоў грамадскіх арганізацый.

Спецыялісты падлічылі, што жыхары Віцебшчыны найменш як у іншых рэгіёнах ужываюць наркотыкі. Але колькасць хворых на алкагалізм у вобласці вышэй на 10 адсоткаў за сярэднестатыстычны паказчык па краіне.

Падрыхтоўку да “Сляванскага базару” кантралюе асабіста Аляксандр Косінец, які толькі сёлета быў прызначаны старшынёй Віцебскага аблвыканкама. Іншы раз сп. Косінец аглядае аб’екты будаўніцтва нават з верталёта.

З пачатку 2009 году колькасць афіцыйна зарэгістраваных на Віцебшчыне беспрацоўных вырасла на тысячу чалавек. Адначасова ў вобласці бракуе будаўнікоў і кіроўцаў сельскагаспадарчай тэхнікі.

Паводле Мікалая Глушонка, першага намесніка старшыні абласнога камітэту па працы, занятасці і сацыяльнай абароне насельніцтва, рост колькасці беспрацоўных выкліканы не крызісам, а сканчэньнем ацяпляльнага сезону ды прагай землякоў папрацаваць на калгасных палетках. Да прыкладу, у цэнтры занятасці пачалі звяртацца апэратары кацельняў. Яшчэ адна катэгорыя “новых беспрацоўных” – гэта тыя, хто імкнецца нешта зарабіць на грамадзкіх працах альбо сельгасработах.

Віцебшчына ізноў мае самы нізкі паказьнік прыросту насельніцтва ў краіне. Сёлета ў васьмі з 21 раёну вобласьці нараджальнасьць яшчэ больш зьнізілася.

Мясцовыя перавозчыкі прапанавалі на 40 працэнтаў павялічыць кошт праезду ў гарадзкім транспарце. Аднак ідэю аблвыканкам не ўхваліў.

Паводле прыхамаці старшыні віцебскага аблвыканкама усе гарадзкія аўтобусы будуць толькі зялёнымі, “маршруткі” – жоўтымі, тралейбусы –бела-блакітнымі…

Абласная рада ТБМ падвяла вынікі конкурсу “З родным словам”, да ўдзелу ў якім былі запрошаны ўсе друкаваныя СМІ вобласьці.

Горад разьвітаўся з Фёдарам Шмакавым – старэйшым артыстам Дзяржаўнага акадэмічнага тэатра імя Якуба Коласа.