Крымінальная справа распачатая ў дачыненні да 28-гадовага віцебскага прадпрымальніка – прадстаўніка адной з расійскіх аўтафірм, што працавалі з ЗША.

Спачатку мужчына працаваў сумленна, а потым, калі стварыў сабе добрае імя сярод патэнцыйных кліентаў, вырашыў падправіць матэр’яльнае становішча.

Замест таго, каб па-ранейшаму аказваць кансультацыйныя паслугі, ён прапаноўваў людзям паскарэнне працэсу.

Дзеля гэтага нібыта трэба было ўсяго толькі не несці грошы ў банк, а разлічыцца з тым самым кансультантам гатоўкай. У выніку кліенты заставаліся і без аўтамабіля, і без грошай. Такім чынам махляр падмануў не менш дзесятка чалавек.

Крымінальная справа распачатая па факце прысваення ім 52 тысяч долараў, але праваахоўныя органы падазраюць прадпрымальніка ў тым, што той паклаў у кішэню яшчэ амаль 30 тысяч.

Еўрарадыё