Главная » BY, Витебская, Политика

КДБ аднавіў крымінальную справу супраць віцебскага праваабаронцы

17 марта 2009 Комментариев нет

Леаніда Сьвеціка, аднаго з удзельнікаў устаноўчага сходу “Нашай Вясны”, вінавацяць у дзейнасьці ад імя прафашыстоўскай арганізацыі “Русское национальное единство”.

Распачатая 20-га траўня мінулага году крымінальная справа паводле артыкулу 130.1 “Распальваньне міжнацыянальнай і міжканфэсійнай варожасьці” была прыпыненая амаль на паўгады. Такім чынам, з канца траўня да сярэдзіны верасьня сьледчыя так і не змаглі давесьці вінаватасьці праваабаронцы.

– На працягу 2006-2007 гадоў віцебскія актывісты атрымалі некалькі лістоў з пагрозамі, падпісаныя “Витебкий филиал РНЕ”, – распавёў Л.Сьвецік. – Гэта былі выключна абразьлівая лісты, і тыя, хто іх атрымаў, зьвярталіся ў міліцыю, каб аўтараў допісаў знайшлі ды пакаралі. Я кансультаваў тых, хто пісаў заявы ў міліцыю, а потым дапамагаў ім складаць скаргі ў пракуратуру, бо зь міліцыі прыходзілі толькі адпіскі са словамі, што нікога знайсьці немагчыма, бо арганізацыя “РНЕ” ў Беларусі не зарэгістраваная. Мяне заўжды абурала, што дзейнасьць ад імя незарэгістраванай арганізацыі перасьледуецца ды караецца толькі тады, калі гэта апазыцыйная структура – як, да прыкладу, “Малады Фронт”. А нэафашысты застаюцца непакаранымі, хаця псуюць людзям жыцьцё.

Крымінальная справа па фактах пагрозаў з боку РНЕ была распачатая Віцебскім КДБ толькі 20 траўня мінулага году. Прычым сьледчыя дзеяньні пачаліся з таго, што ў Леаніда Сьвеціка правялі ператрус, канфіскавалі аргтэхніку і падчас допыту паведамілі, што ён – падазраваны ў справе “лістоў ад “РНЕ”.

Свае віны праваабаронца катэгарычна не прызнае. Сумнёваў у ягонай невінаватасьці не выказалі і віцебскія актывісты, якія атрымлівалі лісты з пагрозамі і якіх таксама дапыталі ў КДБ. Да прыкладу, Барыс Хамайда, які двойчы атрымліваў допісы ад РНЕ, лічыць, што аўтараў трэба шукаць “у высокіх кабтнэтах, а не спаміж праваабаронцаў”.

У верасьні мінулага году справа супраць Леаніда Сьвеціка была прыпыненая, але самога праваабаронцу супрацоўнікі КДБ зрабілі “невыязным” – унесьлі ў сьпіс асобаў, якім забаронена выяжджаць за межы Рэспублікі Беларусь.

14 сакавіка Леанід Сьвецік атрымаў афіцыйнае паведамленьне з КДБ, што ягоную справу аднаўляюць. З чым гэта зьвязана, праваабаронцу пакуль невядома: позваў на допыты ён пакуль не атрымліваў. На ягоную думку, прычынай можа быць, у прыватнасьці, узмацненьне ціску на праваабаронцаў, якое адчуваецца на Беларусі апошнім часам, прыкладам чаго стала і адмова ў рэгістрацыі праваабарончай арганізацыі “Наша Вясна”.

Рассказать друзьям

Share to Google Plus
Share to Odnoklassniki
Share to LiveJournal
Share to MyWorld
Share to Yandex

Другие статьи

Извините, комментирование закрыто.

Реклама от RedTram

Loading...