Главная » BY, Гродненская, Политика

Што азначае «боскі» штраф — мір ці вайну з Саюзам палякаў?

17 марта 2009 Комментариев нет

17 сакавіка гарадзенца Андрэя Пачобута аштрафавалі на 525 тысяч рублёў, хаця маглі даць і арышт. Яго пакаралі за ўдзел у несанкцыянаваным мітынгу.

Андрэй Пачобут — адзін з самых актыўных удзельнікаў арганізацыі польскай меншасьці, якой кіруе Анжаліка Борыс. Гэтую арганізацыю беларускія ўлады ня хочуць прызнаваць.

17-га ён атрымаў «боскі» штраф, хаця маглі даць і арышт, — зазначыла судзьдзя Натальля Козел. За што ж яго пакаралі? За ўдзел у несанкцыянаваным мітынгу, які адбыўся два месяцы таму ў зімовы дзень каля Дома польскага ў Горадні.

Сёньня — апошні дзень дзеяньня міліцэйскіх пратаколаў на Пачобута і ягоных паплечнікаў, Ігара Банцара і Мечыслава Яскевіча. Такім чынам, пацярпеў толькі першы зь іх.

Дык ці азначае гэта, што ўлады нарэшце паслабілі ціск на сябраў незарэгістраванага СПБ і адзін штраф — толькі дзеля захаваньня гонару мундзіру? Аднак пэсымісты лічаць: вэртыкаль не памяняла і не памяняе свайго стаўленьня да тых беларускіх палякаў, якія аднойчы праявілі «непаслухмянства» і не скарыліся, бо ўлады прызвычаеныя толькі закручваць гайкі.

Нагадаем, што пратаколы на трох актывістаў польскага руху зьявіліся толькі 4 сакавіка — напярэдадні чарговага зьезду арганізацыі. Гэтыя людзі якраз займаліся яго падрыхтоўкай. Пратаколы супраць сябе ўспрынялі як жаданьне ўладаў арыштаваць іх, адарваць ад удзелу ў зьезьдзе. Аднак ціск польскага боку прывёў да таго, што ўлады ня сталі даводзіць справу да суду, пакуль не адбыўся зьезд. Мала таго, яны не перашкаджалі яго правядзеньню ў Горадні, хаця «прытармазілі» некаторых дэлегатаў зь іншых беларускіх гарадоў.

Усіх сябраў арганізацыі Анжалікі Борыс цікавіць: што будзе далей, ці зарэгіструюць СПБ? Адказ на гэтае пытаньне вядомы ў Беларусі толькі аднаму чалавеку, мяркуюць яны.

Рассказать друзьям

Опубликовать в Google Plus
Опубликовать в Одноклассники
Опубликовать в LiveJournal
Опубликовать в Мой Мир
Опубликовать в Яндекс

Извините, комментирование закрыто.

Реклама от RedTram