Тавар не прадалі, а тэрмін скончыўся? Хай тады купляюць прадавачкі!
Гэткім правілам карыстаецца гаспадар адной з гандлёвых кропак у Ганцавічах. Ён выдатна ведае, што парушае закон. Аднак упэўнены: гандляркі пабаяцца скардзіцца, бо працы ў гарадку няма.
Вось і пагражае звальненнем за нязгоду. Прадаўцы звярнуліся па кансультацыю да юрыста з просьбаю не паведамляць іх імёнаў. Зразумела, у адказ пачулі: тое незаконна.
Але прадаўцы не гатовыя шукаць праўду, а потым і працу, у маленькім мястэчку з высокім беспрацоўем.
Між тым няякасныя і пратэрмінаваныя тавары у гандлёвай сетцы трапляюцца. Мясцовая газета друкавала допіс жыхара, які набыў кулёчак хамсы, а дома адчуў – смярдзіць! Не зважаючы на гэта, з’еў чатыры рыбіны і атруціўся. Рэкламацыі краме, паведамляе Еўрарадыё, ніхто не прад’яўляў.
Рассказать друзьям
