У ганцавіцкім аграгарадку «Раздзялавічы» баню топяць раз на месяц, хоць сацыяльны стандарт патрабуе зусім іншага. Аднак камунгас папросту плюнуў на тое.

Грамадзкая думка і патрэбнасьці аграгараджанаў камунальшчыкаў не цікавяць. Не баяцца яны і кантролю выканкаму.

І вось раз на месяц у адну суботу лазню ладзяць для жанчын, у другую – для мужчынаў.

Пратэсты людзей адхіляюцца. Контраргумэнтацыя ЖКГ простая: навошта нам працаваць ва ўрон сабе – лазня стратная, малавата народу, тут жа гарадаок, а ня горад.

Дарэчы, да 2008 году, пакуль вёска Раздзялавічы не стала аграгарадком, у лазні было два аддзяленні і людзі мыліся там раз на тыдзень.

Цяпер сяляне даведваюцца пра «чыстую суботу» з абвестак. Адзін з раздзялаўцаў выступіў з прапановай: каб зрабіць лазню прыбытковай і мець магчымасць мыцца часцей, мужчынам і жанчынам трэба мыцца супольна.

Уласную ванную ў Раздзялавічах, як даведаўся карэспандэнт Еўрарадыё,  маюць толькі тыя, хто жыве ў шматкватэрніках.

Жыхары хат мыюцца ў тазіках і начоўках.

…А на вуліцы дваццаць першае стагоддзе разгон набірае…