Крызіс: скрозь і побач змяншаюць колькасць працадзён, аднак тлумачаць тое другараднымі абставінамі
Па пяць з паловай гадзін на дзень працуюць у камвольна-прадзільных цэхах Слонімскай прадзільнай фабрыкі.
Аднак кіраўніцтва атэстуе такую сітуацыю зусім не праявай крызіса, у якім апынулася ўся краіна, а ўсяго толькі “ўнутранымі праблемамі”.
Тры выхадныя на тыдзень маюць працаўнікі кардонна-папяровага завода “Альберцін”.
Слонімскі лясгас на паўмесяца адпраўляў у неаплатны адпачынак сваіх кіроўцаў. Аднак зноў жа: дырэкцыя лясгасу тлумачыла тое не агульным крызісам, а вялікай колькасцю няспраўнай тэхнікі.
Слонімскі вінзавод зменшыў продажы прадукцыі. І тут адміністрацыя афіцыйна цвердзіць, што прычына ў сезонным зніжэнні продажу. Выплаты за выслугу гадоў на прадпрыемстве значна зменшаныя.
Рассказать друзьям
