Главная » BY, Витебская, Происшествия

Крадуць меней, але забіваюць болей

15 октября 2009 Комментариев нет

Віцебская абласная пракуратура падвяла вынікі працы па прафілактыцы правапарушэнняў на адмысловым пасяджэнні аблвыканкама.

Пракурор Віцебскай вобласці Генадзь Дыско адзначыў, што захады пракуратуры разам з іншымі адказнымі структурамі паспрыялі пазітыўным працэсам, і ўзровень злачыннасці на Віцебшчыне знізіўся на 10 працэнтаў. За восем месяцаў 2008 года скарацілася колькасць разбояў, рабаўніцтваў, выпадкаў хуліганства. Разам з тым адзначаецца рост колькасці забойстваў.

Складанай была названая сітуацыя з п’янствам. Больш як 80 працэнтаў забойстваў і цяжкіх цялесных пашкоджанняў здзейсненыя асобамі ў нецвярозым стане. Недастатковай была прызнана і работа з асуджанымі і тымі, хто стаіць на ўліку ў крымінальна-выканаўчых інспекцыях, а таксама  і з былымі зняволенымі, якія пасля выхаду з турмы нярэдка здзяйсняюць злачынствы паўторна.

Паводле пракурора вобласці, трывогу выклікаюць падлеткавы алкагалізм, недастатковыя меры супроцьпажарнай бяспекі на прадпрыемствах і ўстановах, працоўны траўматызм на вытворчасці, асабліва ў сельскай мясцовасці.

Востра стаіць і пытанне карупцыі. Паводле ініцыятывы пракуратуры вобласці, па рэгіёнах было праведзена апытанне насельніцтва, і да прыкладу, 11 з 250 апытаных у Оршы ананімна прызналіся, што ім даводзілася сутыкацца з фактамі карупцыі і даваць хабар дзяржаўным службоўцам за станоўчае вырашэнне нейкага пытання. Больш таго: высветлілася, што да гэтай з’явы ў Оршы так прызвычаіліся, што лічаць узровень карупцыі невысокім і цалкам прымальным – маўляў, у сучасным грамадстве яна нават неабходная для “разрульвання” пэўных праблем.

На пасяджэнні Віцебскага аблвыканкама было прынята рашэнне больш шырока прыцягваць да выпраўлення сітуацыі са злачынствамі грамадскасць – ад апытанняў накшталт таго, што пра ўзровень карупцыі, да дзяжурства ў вечаровы час у складзе добраахвотных дружын.

Рассказать друзьям

Опубликовать в Google Plus
Опубликовать в Одноклассники
Опубликовать в LiveJournal
Опубликовать в Мой Мир
Опубликовать в Яндекс

Извините, комментирование закрыто.

Реклама от RedTram