Брэсцкую абласную афіцыйную газету могуць зачыніць?
“Народная трыбуна” са жніўня шукае і не можа знайсці аглядальніка, а без яго як газета можа выходзіць? Рэдакцыя ў тупіку: журналіст не знаходзіцца нягледзячы на двухразовае павышэнне абяцанага аклада два месяцы таму, а “гуляць на павышэнне”, карыстаючыся біржавым тэрмінам, няйначай больш не дазваляюць гаспадары ў аблвыканкаме.
Біржа працы запрашае… ды ніхто не чуе. Фота: Беларускія рэгіянальныя навіны
Адміністрацыя шукае “дасведчанага журналіста, які бездакорна валодае беларускай мовай (стаж не менш за 3 гады)” на біржы працы. Аднак, кантынгент там збольшага слаба знаёмы ў пісьменнасцю, асабліва з мовай Купалы, Коласа і Скарыны.
Варта нагадаць пра грошы. У жніўні 2011 аглядальніку абяцалі каля 450 тысяч белрублёў. З таго часу патрабаванні знізілі, а грошай дадалі – ужо другі месяц безвынікова, як крэч галосячага ў пустэльні, вісіць лічба ў 940 тысяч.
Магчыма гэтая прапанова можа зацікавіць каго-небудзь з ліку вялікай арміі ідэалагаў?
Крыніца: Беларускія рэгіянальныя навіны
Рассказать друзьям
