У разбураным шляхецкім фальварку каля Пружан знайшлі жалезныя артэфакты
Сярод іх дахавая бляха – аналог той, якой накрытыя Сабор Парыжскай Багамаці і Брытанскі Парламент.
Пра знаходкі паведаміў паэт, пчаляр і краязнаўца Мікола Папека:
– Такой бляхай пакрыты быў увесь фальварак, але кляймо, або завадскі знак, толькі на адной. Гэта, верагодна, таму, што калі адпраўлялі груз, штампавалі толькі верхнюю бляху.
На блясе два знакі: "Лысьвенская горная акруга графа П.А.Шувалава" і "Залаты медаль Сусветнай выставы ў Парыжы" - Крыніца: Беларускія рэгіянальныя навіны
Вікіпедыя пацвярджае звесткі пра такую прадукцыю Лысьвенскага металургічнага завода (на сёння Пермскі край Расійскай Федэрацыі). Найвышэйшую ўзнагароду ў Парыжы «ліставое жалеза» з Лысьвы атрымала ў 1900 годзе. Пацвярджаюцца таксама прыналежнасць выраба графу Шувалаву (герб Аднарог) і пастаўкі для Сабора Парыжскай Багамаці ды Брытанскага Парламента.
Яшчэ ў друзе была знойдзеная ўнікальная чыгунная дзверца ад печы. - Крыніца: Беларускія рэгіянальныя навіны
Дзверцу спадар Папека схільны таксама разглядаць як пастаўку завода графа Шувалава: на ёй адлітыя сцэнкі з працэсу металаапрацоўкі.
А яшчэ была дзверца, на якой адліты момант гульні ў валейбол, але яе знеслі ў невядомым накірунку, шкадуе спадар Папека.
Нагадаем, сядзібу Швыкоўскіх у вёсцы Белавусаўшчына (4 кіламетры ад Пружан) разбурылі перад Новым годам. Гэта быў апошні драўляны шляхецкі дом сядзібнага тыпу ў Брэсцкім рэгіёне.
Крыніца: Беларускія рэгіянальныя навіны
Рассказать друзьям
