Гарадзенскую журналістку папярэдзілі ў пракуратуры
Гарадзенская журналістка Гражына Шалкевіч 27 лютага атрымала афіцыйнае папярэджанне, якое тычылася працы на замежнае СМІ без акрэдытацыі ў Беларусі.
Журналістка атрымала папярэджанне за працу на замежнае СМІ без акрэдытацыі ў Беларусі. - Фота з асабістага архіва Гражыны Шалкевіч
– Гэта тычылася супрацы з Радыё Рацыя, – кажа Гражына Шалкевіч. – Паказвалі ў пракуратуры раздрукоўкі з інтэрнэт-старонкі Рацыі. Гэта былі матэрыялы пра ўгодкі паўстання Каліноўскага, якія адзначаліся ў Свіслачы ў канцы кастрычніка 2011 года.
За асвятленне гэтай падзеі на Гродзеншчыне ўжо атрымалі папярэджанні ў пракуратуры незалежныя журналісты Алесь Дзянісаў і Мікола Дзятчэня.
На мінулым тыдні таксама за супрацу з Радыё Рацыя атрымаў папярэджанне гарадзенец, сабра БАЖ Віктар Парфёненка.
Крыніца: Беларускія рэгіянальныя навіны
Рассказать друзьям
