Гарадзенцам прапануюць абмеркаваць лёс дрэваў
Гарадзенскі гарвыканкам прапануе гарадзенцам паўдзельнічаць ў грамадскіх слуханняў па вырубцы дрэваў. Слуханні распачнуцца 16 сакавіка а 15-й гадзіне ў гродзенскім гарвыканкаме.
Дрэвы нібыта перашкаджаюць упарадкаванню горада
На павестцы дня лёс больш чым 150 дрэваў. Якія нібыта перашкаджаюць упарадкаванню горада.
Зялёны актывіст і краязнаўца Ігар Лапеха выступае супраць падобных слуханняў:
— Дрэвы ў горадзе вырубаюць па розных прычынах. Жыццё ідзе – горад развіваецца. Аднак жыхарам павінна быць прапанаваная альтэрнатыва. Ім павінны тлумачыць рацыянальнасць вырубкі дрэваў пры правядзенні розных работ у горадзе. Жыхары павінны ведаць чаму рубяць дрэвы. А наконт слуханняў, што адбываюцца ў працоўны час. Горад адсякае адсоткаў 80 жадаючых патрапіць на гэтыя слуханні. І таму я лічу, што падобныя слуханні, што ладзяць нашы гарадзенскія ўлады – яны не працуюць.
Нагадаем, што першыя слуханні па вырубцы дрэваў у Румлёўскім парку сабралі 7 чалавек, чатыры з якіх былі прадстаўнікамі ўладаў.
Крыніца: Беларускія рэгіянальныя навіны
Рассказать друзьям
